Велосипедшиниң ҳәрекет тили

Басқа жол ҳәрекети қатнасыўшылары велосипедши ҳәрекетинен хабардар болыўы ушын велосипедши бала арнаўлы сигналларды еслеп қалыўы керек:

• қапталға созылған шеп қол - шепке бурылыўды аңлатады;
• шеп қол шығанақтан бүгилип, жоқарыға бағдарланған болса – оңға бурылыў
• тѳменге түсирилген шеп қол - тоқтаў.

Балалардың қәўипсиз велосипед басқарыўы ушын оларға тѳмендегилерди үйретиўимиз зәрүр:

• Велосипедти басқарғанда қулақшынлар арқалы музыка тыңлаў ҳәм телефонда сѳйлесиў мүмкин емес;
• әтираптағы жағдайды дыққат пенен бақлап барыў: транспорт ҳәм пиядалар ҳәрекети, жолығыўы мүмкин болған тосықларға итибар бериў;
• ҳәр дайым тезликке, велосипед басқарыў тәжирийбесине ҳәм жол қапламасының сапасына итибар қаратыў;
• тезликти кескин пәсейтиўге таяр болыў; Бул, әсиресе бала яки жас ѳспиримлер велосипедти жақсы басқарып билмеген жағдайларда жүдә үлкен әҳмийетке ийе.

Жаўында велосипедти қәўипсиз басқарыў ҳаққында кейинги мақалада оқып алың!