Жол сызығы белгилери үстинде жүрме

Велосипед жолы шетиндеги жол сызығы белгилери үстинде жүргениңде, велосипедши ушын жетерли орын бар деп ойлаўың мүмкин. Бирақ, бул қәте пикир. Кѳпшилик ўақытлары велосипедшилер велосипед жолы шетиндеги пиядаларға ериксиз түрде тийип кетеди. Мысалы, пиядалар жолда қолларын кең жайып кийимин кийиўи яки шешиўи, қызлар ийниндеги сумкасын туўрыламақшы болыўы, ал жас ѳспиримлер ҳәзиллесип, бир-бирин ийтерип ойнап жүриўи мүмкин.

Велосипедшиниң рули кеңирек болыўы мүмкин ҳәм оған аңсат илинип кетиў қәўпи бар. Велосипедши жолдағы ойды, дѳңди яки басқада тосықларды айланып ѳтпекши болғанда оған маневр ушын кеңислик зәрүр болыўы мүмкин. Жоқары тезликте велосипедти дәрҳал тоқтатыў жүдә қыйын болады, ал сени айланып ѳтиў қәўипли яки кеш болыўы мүмкин.

Жоқарыдағыларды есиңде сақла ҳәм велосипед жолы шетинен сәл узағырақта жүриўге ҳәрекет ет. Бары жоғы еки адым шетке шықсаң, қәўипсиз зонада боласаң.