Таўық гѳшинен таярланған қыздырыўшы сорпа

Алдын аўқат таярлап кѳрмеген адамның да қолынан келетуғын, таўық гѳшинен сорпа таярлаўдың ең аңсат рецептин пайдаланып кѳр. Бул аўқат суўық мәўсимлерде жүдә пайдалы болады.

Ингредиентлер:

• 4 дана таўықтың аяғы;
• 250 грамм картошка;
• 150 грамм гешир;
• 100 грамм пияз;
• 100 грамм помидор;
• 2 лавр жапырағы;
• Бир неше петрушка яки кинза шақасы;
• Дуз ҳәм бурыш;
• 3 литр суў.

1-қәдем

Қазанға суўды қуямыз ҳәм таўықтың гѳшин салып қайнатамыз. Қайнаған ўақтында бетиндеги кѳбикти алып таслаймыз. Отты пәсейтип 25-30 минут даўамында қайнатамыз. Талғамымызға қарап дуз саламыз.

2-қәдем

Пиязды ярым шеңбер түринде, ал картошка ҳәм геширди тѳрт мүйеш бѳлекшелерге майдалаймыз. Овощлардың бәрин қазанға салып 10-15 минут қайнатамыз.

3-қәдем

Помидорды майда бѳлекшелерге кесип, лавр жапырағы менен қосып қазанға саламыз. Және 10 минут қайнатып аламыз. Талғамымызға қарап дуз ҳәм бурыш саламыз.

4-қәдем

Сорпаны тарелкаларға қуйып, үстине кѳк шѳплерден саламыз.

Сорпа таяр! Иштейиңиз ашылсын!