Қуймақлар рецепти

Үй шәраятында қуймақларды таярлаў жүдә аңсат. Рецептке әмел қылсаң жүдә мазалы қуймақларды таярлаўыңа болады.

Ингредиентлер:

• 100 грамм ун;
• 2 мәйек;
• 300 миллилитр сүт;
• 1 қамыр ушын ас қасық ѳсимлик майы ҳәм қуўырыў ушын азғана муғдарда май;
• Бир шымтым дуз;
• 0,5 чай қасық ас содасы;
• 4-5 тамшы уксус;
• 2 ас қасық шекер.

1-қәдем

Үлкенирек ыдысқа ун менен бир шымтым дуз сал.

2-қәдем

Унның ортасын ашып мәйек ҳәм шекерди сал. Соданы бир чай қасық уксуста еритип қамырға араластыр.

3-қәдем

300 мл сүттиң 50 мл муғдарын ҳәм 1 ас қасық айғабағар майын салып, ортадан баслап ингредиентлерди араластырып басла. Биргелки қойыў паста ҳалатына келгенше араластыр. Егер жүдә қойыў ҳалатқа келсе, үстине азғана сүт қос.

4-қәдем

Қамыр суйығырақ болыўы ушын және сүт қосып араластырыўды даўам ет. Қаймаққа уқсас ҳалатқа келгенше сүт араластырып бар.

5-қәдем

Табаны орташа отта қыздырып ал, кейин майға батырылған щетка менен майлап, яки 1 чай қасық май салып табаның ишине толық жайып шық.

6-қәдем

Табаның ортасына азғана (орташа кѳлемдеги шѳмишти толтырып) қамырдан қуй, қамыр табаның ишине тегис жайылыўы ушын табаны қыялатып усла. Табаны отқа қайтадан қой.

7-қәдем

Егер табаны дурыс температурада қыздырған болсаң, қуймақтың асты 30 секундтан соң сары реңге айланады, соң оны аўдарып қойыўыңа болады. (Қуймақтың бети қойыўласып, аўдарғанда ағып кетпейди)

8-қәдем

Табаның услағышынан услап, қуймақтың астына пышак яки асхана белшесин салып, тезлик пенен оны аўдарып қой. Қуймақ табада тегис қойылғанына итибар қарат, соң және 30 секунд қуўырып, тарелкаға сал.

9-қәдем

Қалған қамырды да 6-8 қәдемлердегидей қылып таярла, таяр болған қуймақларды дәстүрханға тарт яки тарелкаға жыйнап қой.

Қуймақтың ишине ѳзиңе унаған нәрселерди сал: мысалы, иримшик яки варенье. Егер ишине гѳш яки пюре салмақшы болсаң, қамырға шекер салма.

Аўысып қалған қуймақларды азықлық зат ушын арналған пленкаға орап музлатқышқа салып, 1 айға шекем сақлаўыңа болады.