Не ушын шығындыларды сортлаў сиз ҳәм планетамыз ушын оғада әҳмийетли?

Сиз таслаған шығынды менен қандай ўақыя жүз беретуғынлығын ҳеш ойлап көрдиңиз бе? Бул пластмасса, қағаз ҳәм шийшениң ҳәммеси жоқ болып кетпейди, бәлким тәбиятта қалады ҳәм оған үлкен зыян жеткереди. Шығындыларды сортлаў мәзи заманагөй нәрсе емес, бәлким дүньямызды тазалаў ҳәм планетаға жәрдем бериўдиң ҳақыйқый усылы болып есапланады.

Сиз не ислей аласыз? Жүдә көп нәрсе ислей аласыз! Ҳәр қыйлы түрдеги шығындыларды ажыратып, сортлаўдан баслаң. Бул оларды шығынды таслаў орнына жибериўдиң орнына қайта ислетиў мүмкин болған материалларды қайта ислеп шығарыўға жәрдем береди. Шийше, пластмасса, қағаз – булардың барлығы қайта ислетилиўи ҳәм жаңа пайдалы буйымларға айландырылыўы мүмкин.

Бирақ, шыгындыларды сортлаў тек ғана контейнерлер менен байланыслы емес. Қандайда бир нәрсени таслап жибериўден алдын ойлап көриң: оны және бир мәртебе қайта ислетиўге бола ма? Мәселен, пластикалық бутылканы гүллер ушын вазаға айландырыў яки онда суў сақлаў мүмкин. Гөне кийимлерди қайтадан жөнлеп тигиў яки қайыр-сақаўат көрсетиў ушын бериў мүмкин.

Әўеле, үйиңизде ҳәр қыйлы шығындылар ушын бир неше контейнерлерди орнатыўға ҳәрекет етип көриң: қағаз, пластмасса ҳәм шийше ушын. Сортлаў тек үй ушын емес, бәлким мектеп ҳәм пүткил қала ушын да керек болып есапланады. Егер ҳәмме буны ислеўди басласа, ең киши ҳәрекетлер де Жерди патасландыратуғын шығынды муғдарын азайтыўға әлбетте, жәрдем береди.

Умытпаң: сизиң ҳәр бир қәдемиңиз – тәбиятты қутқарыўға қосқан үлесиңиз саналады. Қаншама көп адамлар шығындыларды сортлаўды басласа, дүньямызда соншама таза болады.