“Connect Smart” дегенимиз не?
Интернет ҳаққында билиўиңиз керек болған барлық мағлыўматлар
Не ҳаққында: Биз социаллық тармақлар ҳәм Интернеттен пайдаланыў бойынша ең кѳп ушырасатуғын сораўларға жуўап беремиз.
Сизде социаллық тармақлар ямаса Интернет ҳаққында сораўға уялатуғын сораўларыңыз бар ма? Қәўетерленбең - биз сизге жәрдем беремиз. “Connect Smart” сизиң сораўларыңызға жуўап берип, мағлыўмат береди. Интернеттен пайдаланыўдағы машқалалардың шешими бойынша ҳәм бул машқалалардың алдын алыўға жәрдем беретуғын пайдалы мәсләҳәтлер береди. Биз жат адамлардың Интернет арқалы “Дос болайық” усынысы, пулды жалатайлық жолы менен сизден урлаў жоллары ҳәм жеке мағлыўматларыңызды онлайн тәризде қорғаў сыяқлы мәселелерди кѳрип шығамыз. Соның менен бирге, биз Интернеттиң мектеп сабақларында ямаса илимий изертлеў ўақтында сизиң жәрдемшиңизге айланыўы ушын Интернеттен қалай нәтийжели пайдаланыў мүмкин екенлиги ҳаққында мәсләҳәт беремиз.
“Connect Smart” барлық Интернет ҳәм социаллық тармақлар қәўипсизлигиниң тийкарғы принциплерин үйрениўди қәлеўшилер ушын ислеп шығылған. Есиңизде болсын, егер сиз онлайн ислеўде унамсыз тәжирийбени бастан кеширген болсаңыз ямаса бир нәрсе сизди тынышсызландырып жүрген болса, ѳзиңиз исенген адамыңыз бенен сѳйлесип, оннан жәрдем алыўға ҳәрекет етиўиңиз керек. Кѳплеген мәмлекетлерде егер сиз 18 жасқа толмаған болсаңыз, қоңыраў етиўиңиз мүмкин болған бийпул телефон тармақлары бар.
