Kәсип таңлаў процесинде сезим ҳәм интуицияның роли

Әдетте, сезим-туйғыларымыз ҳәм интуициямыз қандайда бир нәрсени қандай қабыл етиўимизге, қайсы кәсиплерди унатыўымыз ҳәм унатпаўымызға тәсир етеди, сондай-ақ, өмирде бизге не нәрсе сай келиўин түсиниўге жәрдем береди. Усы мақалада кәсип таңлаў процесинде сезим ҳәм интуиция қандай роль ойнаўы мүмкинлигин көрип шығамыз.

• Сезимлер (туйғылар) жеке абзаллықлардың көрсеткиши сыпатында

Бастан кеширилген сезим -туйғылар бизге анаў яки мына таңлаўға қарай не нәрсени сезип атырғанымызды көрсететуғын сигналларды бериўи мүмкин. Унамлы сезим -туйғылар (қызығыў, қуўаныш, қанаатланыў) кәсип яки искерлик сизге жақын екенлиги ҳәм ишки жуўапты келтирип шығарыўы ҳаққында сигнал болыўы мүмкин. Егер сиз белгили бир жумысты орынлаўда илҳамланыўды сезсеңиз, бул жумыс сизге сай келиўининиң белгиси болыўы мүмкин.

Унамсыз сезим-туйғылар (тәшўиш, зеригиў, ашыўланыў) таңланған кәсип қанаатландырарлы болмаўы яки ишки қәдириятларыңызға сай келмеўиниң көрсеткишлери болыўы мүмкин. Мысал ушын, егер сиз белгили бир тараўда жумыс ислеў ҳаққында ойлағаныңызда қәўетерди  сезсеңиз, бул таңлаўыңызды қайтадан көрип шығыўыңыз кереклиги ҳаққында сигнал болыўы мүмкин.

• Kәсип таңлаўда интуицияның роли.

Интуиция – бул анық  логикалық тийкарларға таянбастан, бәлким бизге ҳақыйқат болып түйилген нәрсени ишки сезиў арқалы қарар қабыл етиў қәбилети саналады. Интуиция күтилмеген яки аңланбаған реакция емеслигин түсиниў әҳмийетли. Ол өмиримиз даўамында топлаған жеке тәжирийбемиз, билим ҳәм сезим-туйғыларымызға тийкарланады. Әсиресе, кәсип таңлаў сыяқлы қыйын яки көп мазмунлы жағдайлар ҳаққында гәп кеткенде, көбинесе интуитивлик таңлаў дурыс болып шығады.

• Түсиниўдиң абзаллықлары: Биз айырым пайытлары интуитивлик рәўиште қандайда бир жумыс яки кәсип бизиң ишки абзал көриўимизге сай келиўин сезиўимиз мүмкин, негизинде буның себебин анық түсиндире алмасақ та. Интуиция бизге жеке қәдириятларымыз ҳәм қызығыўларымызға сай келетуғын кәсиплерге итибар қаратыўға мүмкиншилик береди.
• Артықша анализлерсиз қарар қабыллаў: Kәсип таңлаў процесинде, әсиресе, мүмкин болған кәсиплер ҳаққында мағлыўматлар жүдә көп болса яки терең анализ етиў ушын жүдә қыйын болса, интуиция тийкарғы роль ойнаўы мүмкин. Мысал ушын, биз не ушын тап усындай екенлиги ҳаққында анық дәлиллер жоқлығына қарамай, өзимиз ушын "сезе алатуғын" бағдарды таңлаўымыз мүмкин.

Өз сезим-туйғыларыңызға қулақ салыў керек, лекин, таңлаўдың әмелий тәрепин де есапқа алыў зәрүр.