Волонтёрлық жойбарын басқарыў усыллары.

Усы усыныслар жаңа лидерлерге волонтёрлық жойбарларды табыслы басқарыўға ҳәм жәмийетте унамлы өзгерислер жаратыўға жәрдем береди.

1. Жойбардың мақсетин анық белгилең. Не ушын жойбар жаратылып атырғанын ҳәм қайсы машқаланы шешип атырғанын түсиниң. Мақсет ҳәр бир қатнасыўшы ушын түсиникли болыўы ҳәм оларды ҳәрекетке шақырыўы керек.
2. Команда топлаң. Maқсетиңизди бөлисетуғын пикирлеслериңизди табың. Жойбар менен қызығатуғын ҳәм пайдалы көнликпелерге ийе болғанларды таңлаң. Ҳәр түрли адамлар— бул ҳәр қыйлы идеялар ҳәм көз қараслар дегени.
3. Ўазыйпаларды ҳәм жуўапкершиликти бөлистириң. Лидер сыпатында ҳәмме нәрсени өзиңиз ислеўге ҳәрекет етпең. Тийкарғы ўазыйпаларды анықлаң ҳәм оларды қатнасыўшылар арасында бөлистириң, сонда ҳәр ким өз рольин биледи.
4. Командаңызды хошаметлең. Олардың қосқан үлесиниң әҳмийетин бәрҳама еслетип турың ҳәм табысқа илҳамландырың. Ҳәттеки киши табысларды да биргеликте байрамлаң.
5. Ўақыт ҳәм ресурсларға итибар бериң. Aнық ҳәрекетлер режесин дүзиң ҳәм оған әмел етиң. Ҳәр кимниң мүддетлер ҳәм ўазыйпаларын түсиниўин тәмийинлең.
6. Kүтилмеген жағдайларға таяр болың.
   Жойбарлар машқалаларға дус келиўи мүмкин, соның ушын бейимлесиўши болыў ҳәм шешимлерди табыў әҳмийетли болады.
7. Нәтийжелерди баҳалаң. Жойбар әҳмийетли басқышқа жеткенде, буны командаңыз бенен байрамлаң. Жумыс искерлиги атап өтилгени келешекте өз қәлеўи менен қатнасқанларды илҳамландырады.

Ядта сақлаң, табыслы жойбарды басқарыў — бул ҳәр бир қатнасыўшы өзин керекли ҳәм қәдирли етип сезинетуғын команданың жумысы болып есапланады.