Командаңыз ушын мақсетлерди ислеп шығың

Aнық мақсетлерди белгилеў – жетискенликли лидерликке қойылған әҳмийетли қәдем. Төменде командаңыз ушын нәтийжели мақсетлер ислеп шығыўға жәрдем беретуғын бир неше мәсләҳәтлер берилген:

Maқсетлерди қәлиплестириң.

Maқсетлериңизди анық, көлемге ийе, ерисилетуғын, актуал ҳәм ўақыт пенен шегараланған болыўына исеним пайда етиң.

Maқсетлерди командаңыз бенен додалаң.

Ҳәмме қатнасыўшыларды процесске қамтып алың. Ушырасыў өткериң ҳәм ҳәр бир ағза өзиниң идеялары менен бөлисиўине шараят жаратың. Бул команданың руўхын беккемлеп, ҳәммениң пикирин есапқа алыў мүмкиншилигин береди.

Maқсетлерди басқышларға бөлиң.

Үлкен мақсетлерди киши ўазыйпаларға ажыратып шығың. Бул ўазыйпалар көлемин кемирек етип көрсетиўге ҳәм алдыға ҳәрекет етиўге жәрдем береди. Мәселен, егер мақсет үлкен илаж шөлкемлестириў болса, оны төмендеги басқышларға бөлиў мүмкин: қатнасыўшылар дизимин таярлаў, бағдарлама ислеп шығыў, орынды шөлкемлестириў ҳ. т. б.

Moтивацияны қоллап-қуўатлаң.

Maқсетлердиң әҳмийетин турақлы түрде еслетип турың ҳәм оларға ерисиў жолындағы жеңислерди байрамлаң. Ҳәттеки киши табысларда команданы илҳамландырып, алдыға қарап ҳәрекет етиўге хошаметлейди.

Бейимлесиўши болың.

Шараят өзгергенде мақсетлерди бейимлестириўге таяр турың. Мәселен, күтилмеген жағдайлар себепли тапсырма мүддетлери өзгерсе, жаңа дедлайнларды команда менен биргеликте додалаң.

Жеңислериңиздиң нәтийжелерин жазып барың ҳәм бақлап турың.

Жеңислерди қадағалаў ушын визуал презентация қуралларынан пайдаланың. Mәселен, стикерлер арқалы кесте дүзиў ҳәм оларды ўазыйпаның орынланыў басқышына көширип барыўды шөлкемлестириў мүмкин.

Усы мәсләҳәтлерге әмел еткен ҳалда, командаңыз ушын нәтийжели мақсетлер ислеп шығыўыңыз ҳәм биргеликте табысқа ерисиўиңиз мүмкин!