Класста лидер болған балалар

Лидерлик — көпшилик умтылатуғын нәрсе ҳәм балалар да буннан аўлақ емес. Мектепте айырым балаларда лидерлик қәбилетлери анық көрине баслайды. Егер бала тәртипли болса ҳәм жуўапкершиликтен қорықпаса, лидерлик қәбилети болыўы мүмкин.

Бундай балалар жуўапкершиликти өзине алыўдан қорықпайды ҳәм олардың ерк-ықрар күшлери мектеп жасында раўажланады. Лидерлерди ҳәмме жақсы көрмесе де, оларға ҳүрмет пенен қарайды ҳәм олар менен есапласады.

Mектеп — бул лидерлик қәбилетлер анық көринетуғын орын. Ҳәр бир мектеп класында бир неше топар болады ҳәм ҳәр бир топардың өз лидери бар. Базы да сондай болады, бир бала ҳәмме ушын лидерге айланады. Оның пикири басқаларға тәсир етиўи мүмкин, ҳәттеки ол буны қастан ислемесе де.

Бала-лидер ушын тек класслары емес, бәлким ата-аналары ҳәм муғаллимлериниң де қоллап-қуўатлаўлары оғада әҳмийетли. Жасы үлкенлердиң разылығы оның раўажланыўына жәрдем береди.

Ата-аналар, бала-лидерди қоллап-қуўатлаўда әҳмийетли роль ойнайды, оның өзине исенимли болыўына ҳәм қәтелерден қорықпаўына жәрдем береди. Балаға түсиндириў керек, ең әҳмийетлиси— ҳәммени разы етиўге урыныў шәрт емес. Перзентиңизге тийкарғысы өзлигиңизди жоғалтпаўды ҳәм бәрҳама әтирапындағыларды разы етиўге урынбаўын түсиндириўиңиз лазым.