Лидерлерге өз ўақтын дурыс бөлистириў ушын мәсләҳәтлер

Ўақытты дурыс бөлистириў – мақсетлерге ерисиў ҳәм ўазыйпаларды нәтийжели басқарыўда керекли болған тийкарғы көнликпелер болып есапланады. Төменде ўақыттан ақылға муўапық пайдаланыў ушын бир неше қәдемлер мысал етип келтирилген:

1. Үстинликлерди анықлаң. Ўазыйпалардың дизимин дүзиң ҳәм ең әҳмийетли және тез орынланатуғын асығыс ўазыйпаларды ажыратып көрсетиң.
2. Aнық мақсетлерди қойың. Ҳәр күн, ҳәпте ҳәм ай ушын анық ҳәм өлшеп болатуғын мақсетлерди белгилеп алың. Бул әҳмийетли жумысларға итибар қаратың.
3. Kүнлик ўақтыңызды режелестириң. Kүнделикли яки арнаўлы қосымшалардан пайдаланып, күнлик режеңизди дүзиң. Оқыў, ушырасыўлар, дем алыс ҳәм басқа ўазыйпалар ушын да ўақытты режелестириң.
4. Ўазыйпаларды киши бөлимлерге бөлиң. Егер ўазыйпа үлкен болса, оны киши ҳәм басқарып болатуғын бөлимлерге бөлип шығың. Бул жумыстың барысын аңсатластырады.
5. Taймерден пайдаланың. “ Pomodoro” усылын сынап көриң: 25 минут жумыс ислең, кейин 5 минут тәнепис алың. Бул дыққатыңызды жәмлеўге жәрдем береди.
6. Kөп ўазыйпаларды бир ўақытта орынлаўдан сақланың. Жумысыңыздың сапасын асырыў ушын тек ғана бир ўазыйпаға итибар қаратың.
7. Режелериңизди турақлы түрде қайтадан көрип шығың. Ҳәр күниңиз жуўмағында орынланған жумысларыңызды талқылаң ҳәм керек болса, режелериңизди өзгерттириң.
8. Өзиңизге ғамқорлық етиң. Дем алыў ҳәм досларыңыз бенен сәўбетлесиў ушын ўақыт ажыратың. Жумыс ҳәм дем алыў арасындағы тең салмақлылықты сақлаў жумыс ислеўге болған қызығыўшылығыңызды асырады.

Ўақытты дурыс бөлистириў – шынығыў ҳәм ўақыт талап етеди. Усы мәсләҳәтлерге әмел еткен ҳалда сиз еле де тығыз уйымластырыўшы ҳәм нәтийжели лидерге айланасыз!