Лидерге тән қәсийетлер

Ҳәр бир жас өспирим дыққат-итибар орайында болыўды, лидер болыўды ҳәм ең жақсысы болыўды қәлейди. Сизиң теңлеслериңиз арасында лидерлик орны ушын гүрес даўам етиўи мүмкин. Бирақ, ҳәммеси де лидер бола алмайды, себеби, лидерлик ушын керек болған жеке қәсийетлер бар. Айырым адамларда лидерлик туўма қәсийет болса, басқаларда болса бул қәсийет өмири даўамында өзлестириледи.

Лидер болыў жолы қызығарлы ҳәм қурамалы болады. Бул жолда сиз жаңа тәжирийбелерге ийе боласыз ҳәм раўажланасыз, өзиңизди көбирек қәбилетли деп сезинесиз. Соның менен бирге, өзиңизде өмириңизге унамлы тәсир көрсететуғын жақсы қәсийетлерди раўажландырасыз.

Бундай қәсийетлер төмендегилерди өз ишине алады:

• Mақсетке талпыныў. Сиз өз мақсетиңизди түсиниўиңиз ҳәм керекли нәтийжени анық көз алдыңызға келтириўиңиз оғада әҳмийетли. Мақсет лидер ушын ең керекли мотивация дереги болып табылады.
• Жуўапкершилик. Өз өмириңиздеги ўақыялар ушын жуўапкершиликти өзиңизге алыў қәбилети.
• Өзиңе болған исеним. Тек ғана өзиңизге исеним пайда ете алсаңыз, адамлар сизге исенеди.
• Энергия. Лидердиң энергиясы оның ҳәрекетлери, реакциялары ҳәм қарарларында сезиледи. Бул унамлы күш болып, әтираптағылар оны сезе алады.
• Белсендилик. Лидер энергияға толы, демек ол белсенди.

Лидер болыў — бул тек ғана жеке табыс жолы емес, бәлким басқаларға тәсир көрсетиў имканияты есапланады. Бүгиннен баслап өз үстиңизде ислеп баслаң, себеби, ҳақыйқый лидер тек табысқа талпынбайды, бәлким басқаларды да бул жолда қоллап-қуўатлайды. Лидерлик — бул тек алдында болыў ҳаққында емес, бәлким ҳәр бир адам өзин қәдирли деп сезине алатуғын команданы басқарыўы дегени.