Қызылша дегенимиз не?

Қызылша бул вирус арқалы шақырылатуғын жүдә жуқпалы кеселлик. Айырым адамлар қызылша бир неше күн ишинде ѳзлигинше ѳтип кететуғын арзымас таспа ҳәм ысытпа деп ойлайды. Бирақ қызылша, әсиресе, 5 жасқа шекемги балалар саламатлығы ушын аўыр асқыныўларды келтирип шығарыўы мүмкин.

Қызылшаның кең тарқалған белгилери:

• дене ыссылығының кѳтерилиўи,
• жѳтел,
• мурын ағыўы,
• кѳзлердиң қызарыўы, кѳзлерден жас ағыўы (конъюнктивит) ҳәм
• таспа (симптомлар пайда болыўы баслағанынан 3-5 күн ѳткеннен соң).

Қызылша менен кеселленген ҳәр 1000 адамның биреўинде мийде исик пайда болады, ал бул мийдиң зақымланыўына алып келиўи мүмкин. Қызылша менен аўырған 1000 адамнан 1-3и, ҳәтте ең жақсы күтим алғанда да қайтыс болады. Перзентиңизде болатуғын белгилердиң аўырлығын алдын ала болжаў мүмкин емес.

Қызылшаға қарсы ең жақсы қорғаныў - қызылшаға қарсы вакцина (КПК).