Шаңарағыңызды COVID-19дан қалай қорғай аласыз?

Бул жерде инфекциядан қорғаныўға болатуғын айырым сақлық шаралары келтирилген:

• Қолларыңызды суў менен сабынлап жуўың ямаса спиртли антисептиклер менен тазалаң.
• Жѳтелгенде ямаса түшкиргенде аўыз ҳәм мурынларыңызды билектиң бүгилген жери ямаса салфетка менен бекитиң. Қолланылған салфетканы дәрҳал таслап жибериң.
• Сиз бенен екинши адамның арасындағы қашықлық 2 метрден кем болмаўы тийис.
• телефон, есик тутқалары, гилтлер, электр энергиясы ажыратқышлары ҳәм столдың үстки қатламы сыяқлы адам қолы тез-тез тийип туратуғын орынларды турақлы рәўиште тазалап турың ҳәм дезинфекциялаң.
• Егер сиз ямаса сизиң балаңызда дене ыссылығының кѳтерилиўи, жөтел, дем алыўдың қыйынласыўы ямаса COVID-19ға тән басқа белгилер пайда болса, медициналық жәрдем алыў ушын хабарласың.
• Адамлар кѳп жыйналатуғын ҳәм ҳаўа алмасыўы тѳмен болған жабық орынлардан ѳзиңизди аўлақ тутың. Жәмийетлик орынларда адамлар менен аралық қашықлықты сақлаң.
• Жәмийетлик орынларда ҳәм аралық қашықлықты сақлаў мүмкин болмаған жерлерде маска тағың.

Барлық ишки бөлмелерди жақсылап самаллатып турың.