Chaqaloqni emlash uchun qanday tayyorlanish kerak?

Emlashdan oldin

• Poliklinikada mutaxassisdan so’ramoqchi bo’lgan emlashga doir savollarni yozib oling.
• Agar chaqalog’ingizni tobi bo’lmasa, isitma, qusish yoki ichi ketayotgan bo’lsa, mutaxassisga xabar berishni unutmang – bu hollarda emlash bir necha kunga qoldirilishi mumkin.
• Shoshmaslik yoki asabiylashmaslik uchun ko’proq vaqt bilan uydan chiqing.

Agar siz emizikli farzandning onasi bo’lsangiz

• Farzandingizga tez yechilib, qayta kiyiladigan keng kiyim kiydiring.
• Ukol nozik igna bilan amalga oshiriladi, ammo ukoldan chaqaloq yig’lab yuborishi mumkin. Farzandingizni tinchlantirish uchun uni emizish yoki qiziqarli o’yinchoq bilan chalg’itishga harakat qiling.

Agar bola 3 yosh yoki undan katta bo’lsa

• Bolani psixologik jihatdan tayyorlash va bu biroz og’riqli bo’lishiga shay turishini aytish kerak. Bolaga bu faqat chivin chaqqandek, ammo uning sog’lig’i uchun foydali bo’lishini ta’kidlash lozim.