ГЕНДЕРЛИК СЕЗИМТАЛЛЫҚ

Гендерлик сезимталлық (англ. gender sensitivity) дегенимиз ер адам менен ҳаял турмысының анық бир социаллық, мәдений, экономикалық ҳәм сиясий контексти. Бул жантасыўдың мақсети гендерлик теңсизлик ҳәм алалаўды кемейтиў, раўажланыў процесинде ҳаял-қызларға кѳбирек мүмкиншиликлер жаратыў ҳәм жобаластырылған ҳәрекетлердиң ҳаяллар менен ер адамларға тәсирин ѳлшеў болып табылады.

Гендер мүнәсибетлери барлық мәкемелерде бар болып, гендерлик сезимталлық, әсиресе, гендер түрине қарай жеңилликлер ҳәм гендерлик дискриминациясын тән алыўда айқын кѳринетуғын болады. Ҳаяллар әдетте жәмийетте тѳменги қатламда деп қаралады.

Ҳәзирги ўақытта кѳплеген шѳлкемлер хызметкерлерди ѳз турмысында ямаса жумыс орынларында гендер мәселелеринен хабардар ҳәм сезимтал болыўға үйретиў ушын арнаўлы гендерлик сезимталлық бойынша тренинглер шѳлкемлестирип атыр. Соған уқсас тренинглер Қурама Штатларда, әсиресе, ден саўлықты сақлаў ҳәм тәлим сыяқлы хызмет кѳрсетиў тараўларында кең ен жайып бармақта.