Sendvichlarning yangi retsepti!

Sendvichlar oldindan eng tez nonushta hisoblangan. Tuxumli salat bilan ularni yangicha ta’mda sinab koʻring va oila a’zolaringizni hayratda qoldiring!

Kerakli masalliqlar:

• 10 boʻlak non;
• 10 tilim pishloq;
• 3 ta bodring;
• 2 dona tuxum;
• 1 dona pomidor;
• 1 dona yashil piyoz;
• 2 osh qoshiq smetana yoki mayonez;
• ta’bga koʻra tuz, qalampir.

Tayyorlanishi:

1-BOSQICH

Tovani qizdiring, lekin yogʻ qoʻshmang. Unga bir necha boʻlak non qoʻying va oltin tusga kirgunga qadar har ikki tomonini qizdirib oling.

2-BOSQICH

Tuxumni qaynatib olgandan soʻng, mayda kubiklarga boʻling.

3-BOSQICH

Idishdagi tuxumga mayda toʻgʻralgan koʻk piyoz hamda pomidorni qoʻshing va masalliqlarni aralashtiring.

4-BOSQICH

Mayonezga (smetana ham ishlatish mumkin) tuz va ta’bga koʻra murch qoʻshing.

5-BOSQICH

Sabzavotlar aralashmasiga mayonezli sousni qoʻshing va aralashtiring.

6-BOSQICH

1 tilim issiq nonni oling, ustiga bir tilim pishloq, toʻgʻralgan bodring qoʻying.

7-BOSQICH

Tayyorlangan aralashmani bodring ustidan qoʻying, soʻngra yana bir boʻlak pishloq va non bilan ustini yoping.

Bizning retseptimizni sinab koʻring va izohlarda fikr-mulohazalaringizni qoldiring!