Tez tayyorlanadigan retsept: sosiskali pitsa

Kerakli mahsulotlar:

• 400 gramm un;
• 2 choy qoshiq quruq xamirturush;
• 1 osh qoshiq shakar;
• bir chimdim tuz;
• 250 ml iliq suv;
• 1 osh qoshiq zaytun yogʻi.

NACHINKA UCHUN:

• 200 gramm sosiska;
• 250-300 gramm pomidor;
• 200 gramm pishloq (motsarella boʻlsa yaxshi);
• 3 osh qoshiq ketchup.

Avval xamirni tayyorlaymiz:

1-BOSQICH

Kichkina idishga iliq suv (taxminan 40° C darajada) soling. Zaytun yogʻi, tuz, shakar va xamirturush qoʻshing. Hamma narsani aralashtiring.

2-BOSQICH

Xamirturush aralashmasini un solingan idishga qoʻshing va xamir qoring. Tayyor xamirni yopishqoq plyonka (stretch) bilan yoping va 40 daqiqa davomida iliq joyga qoʻying.

3-BOSQICH

Nachinka tayyorlash.

Sosiskani yupqa dumaloq qilib, pomidorni ham tilimga toʻgʻrab oling. Pishloqni qirgʻichdan chiqaring.

4-BOSQICH

Hajmi kattalashgan xamirni 3 ga boʻling, ulardan zuvalalar hosil qiling va ustini sochiq bilan yopib, 20 daqiqaga qoldiring.

5-BOSQICH

Stol ustiga ozgina un seping va bir zuvala xamirni doira shaklida yoying. Uning qalinligi 8 mm dan oshmasligi kerak.

6-BOSQICH

Pech listini pergament qogoz bilan yoping, ozgina un seping va ustida xamir yoying.

7-BOSQICH

Xamir ustiga ketchup suring, ozgina pishloq seping va pomidorni yoyib chiqing. Keyin kolbasalarni joylashtiring. Va yana pishloq seping.

8-BOSQICH

Taxminan 25 daqiqa davomida 200° C haroratda pechda pishiring.

9-BOSQICH

Qolgan xamirlarni ham 5-6-bosqichlardagidek tayyorlang, xohishga qarab nachinkasini oʻzgartirishingiz mumkin.

Ushbu pitsani pishirishga muvaffaq boʻlganingiz haqida izoh qoldiring, biz bu haqda eshitishdan xursand boʻlamiz!