Basseyndagi kun: vazn yoʻqotish uchun suzishning qaysi usullaridan foydalanish kerak?

Suzish paytida suzishning necha xil usullaridan foydalanishingiz haqida hech oʻylab koʻrganmisiz? Bilasizmi, ularning har biri turli mushak guruhlarini ishga soladi va turli xil foyda keltiradi. Shuning uchun butun tananing ishini ta’minlash va mushaklar yukini muvozanatlash uchun uslublar kombinatsiyasidan foydalanish tavsiya etiladi. Quyida siz suzishning asosiy uslublarini bilib olasiz.

Kapalak/batterflay/delfin

Batterflay suzish ortiqcha vazndan xalos boʻlish va mushaklarning tonusini oshirishning eng samarali usuli hisoblanadi. Ushbu uslubni oʻzlashtirish qiyin, lekin oʻzlashtirgach, tanangiz yangi shaklga ega boʻladi, ayniqsa qoʻl, koʻkrak, yelka va orqa mushaklar oʻzgaradi. Ushbu uslub katta energiya talab qilgani uchun suzishdan tezda charchashingiz mumkinligiga tayyor boʻling.

Krol/erkin suzish

Bu tur suzishning eng tez va keng tarqalgan turidir. U birinchi navbatda son, yelka, bel va oyoq mushaklarini faollashtiradi. Texnikani bajarish paytida doimo oyoqlaringiz bilan ishlashingiz kerak, qoʻllaringizni suvdan koʻtarib, yana suvga shoʻngʻishingiz kerak. Shu bilan birga, tananing toʻgʻri holatini saqlab qolish muhimdir. Faol harakatlar tufayli bu usul kaloriyalarni yoqish uchun yana bir samarali vositadir.

Chalqancha suzish

Chalqancha suzish texnikasi chalqancha yotish, oyoqlari bilan itarish va qoʻllarni harakatlantirishni oʻz ichiga oladi. Bu uslub hali suv ostida yuzini ushlab turishga odatlanmaganlar yoki suzish paytida nafas olish qiyin boʻlganlar uchun juda mos keladi. Ushbu usul bilan qoʻl va oyoqlarning asosiy mushaklari ishlaydi va sonlarning moslashuvchanligi yaxshilanadi.

Brass

Brass usulida suzish yangi boshlaganlar uchun ham, tajribasiz suzuvchilar uchun ham mos keladi. Ushbu usul butun tanani oʻz ichiga olgan sekinroq suzishdir. Bu kaloriyalarni yoqishning eng tez usuli boʻlmasa-da, lekin suzishni oʻrganish va suvda oʻziga ishonch hosil qilishning yaxshi usuli. Koʻkrak, qoʻllar, sonlar, bel va oyoqlar — bu uslubni bajarishda tananing eng koʻp ishlaydigan joylari hisoblanadi.

Ba’zi suzish uslublari mushaklarga bogʻliq holda kaloriyalarni tezda yoqishi mumkin.

Mushaklaringiz va tanangizni tarang tutish uchun turli mashqlarni sinab koʻrishdan qoʻrqmang.

Erkin suzish (krol suzish) va batterflay uslublarni kun ora almashtirib suzing. Butterfly butun tanani oʻz ichiga oladi va eng koʻp kaloriyalarni yoqadi, krol kaloriyalarni yoqish boʻyicha ikkinchi oʻrinda, brass uchinchi va chalqancha suzish toʻrtinchi oʻrinda turadi.

Mashgʻulotlar davomida suzishning turli usullarini birlashtirish ajoyib natijalar beradi. Shubhasiz, odamlar suzish davomida batterflay va krol turlarida doimo suzishlari mumkin emas, chunki bunda tez charchab qolish mumkin. Suzish davomida 30 soniya “qiyin” (kapalak, ) uslubda, 30 soniya “oson” (koʻkrak, chalqancha suzish) usulga oʻtib intervallar bilan mashq qilish tavsiya etiladi.

Shuni yodda tutingki, siz tanlagan suzishning har qanday turi tanangiz va sogʻligingiz uchun foydali boʻladi.