Suzish: basseynda shugʻullanib qomatimizni yaxshilaymiz!
Suzish tom ma’noda hamma uchun ozishning eng ajoyib usulidir. Albatta, biz daryo yoki hovuzda choʻmilish haqida emas, balki maqsadli suzish darslari haqida gapiryapmiz. Bu kaloriyalarni samaraliroq yoʻqotishda yordam beradi.
Keling, suzish sizga qanday qilib vazn yoʻqotish va kelajakda sogʻlom voyaga yetishingizga yordam berishini koʻrib chiqaylik.
Xoʻsh, vazn yoʻqotish uchun qanday suzish kerak
1.Vaqt oʻtgan sari siz tezroq va qattiqroq suzishingiz lozim.
Suzishni boshlaganingizda, juda koʻp kaloriya yoʻqotasiz. Ammo mahoratingiz oshgani sayin, suzish paytida yuragingiz urishi unchalik tezlashmay qoladi. Bunday holda, yurak tezligini ushlab turish uchun yanada qattiqroq va tezroq suzishingiz kerak. Bir marta aylanib suzgandan soʻng, yuragingiz daqiqasiga necha marta urishini hisoblashingiz kerak. Trening paytidagi maqsad maksimal yurak urish tezligining 50-70% boʻlishi kerak.
Siz maksimal yurak urish tezligini 220 dan yoshingizni ayirish orqali hisoblashingiz mumkin. Masalan, agar siz 16 yoshda boʻlsangiz, sizning maksimal yurak urish tezligingiz: 220-16=204. Shu sababli mashgʻulot paytida yurak urish tezligi 102-143 oraligʻida boʻlishi kerak.
2. Trener bilan mashq qiling.
Toʻgʻri suzish texnikasini oʻrganish sizga yaxshiroq va oson suzishga yordam beradi.
3. Haftada 3-4 marta suzing.
Vazn yoʻqotish uchun koʻproq jismoniy faol boʻlishingiz kerak. Bu yugurish, yurish va suzish uchun amal qiladi.
Vazn yoʻqotish uchun suzish haftasiga boshqa mashqlar bilan bir xil marta boʻlishi lozim, eng yaxshi natijalarga erishish uchun haftada 4-5 kunni maqsad qilib qoʻying.
4. Asosiysi - boshlash!
Har kuni 15-20 daqiqa suzishni boshlang, soʻngra kuchingiz yetsa, haftasiga 4-5 kun suzishni 30 daqiqagacha asta-sekin oshiring. Agar suzishni birdaniga kuch bilan boshlasangiz, mushaklarning ogʻrigʻi va charchoq sizni suzishni tashlab qoʻyishingizga majburlashi mumkin.
5. Ovqatingizga e’tibor bering.
Har qanday vazn yoʻqotish dasturida iste’mol qilganingizdan koʻra koʻproq kaloriyala yoʻqotishingiz kerak. Shirin va yogʻli taomlarni iste’mol qilishdan ehtiyot boʻling. Ratsioningizga koʻproq protein (oqsil) va kletchatka (olma, qulupnay, karam, krupalar) qoʻshing hamda suv muvozanatini saqlashni unutmang.
Suzish juda koʻp energiya talab qilgani sababli mashgʻulotdan bir soat oldin ovqatlanish kerak. Sovuq suv mashgʻulotdan soʻng ishtahani sezilarli darajada oshirishi mumkin, shu bois mashgʻulotdan soʻng nima iste’mol qilayotganingizga e’tibor doim bering.
