Avtomobil tarixi. 2-qism

Ba’zi ixtirochilar suyuq yoqilgʻi bugʻini gaz sifatida ishlatishga harakat qilib koʻrishgan. Shu tufayli, 1872-yilda amerikalik ixtirochi Brayton kerosindan foydalanishga harakat qilgan. Biroq, kerosin yaxshi bugʻlanmagan va Brayton yengilroq neft mahsuloti boʻlgan benzinga oʻtgan. Ammo suyuq yonilgʻi dvigatelining gaz dvigateli bilan muvaffaqiyatli raqobatlashishi uchun benzinni bugʻlash va uning yonuvchan aralashmasini olish uchun maxsus qurilma yaratish kerak edi.

Ishlaydigan benzinli dvigatel faqat oʻn yil oʻtgach paydo boʻldi. Uni nemis muhandisi Yuliy Daymler ixtiro qilgan.

Birinchi benzinli dvigatellarda suyuq yoqilgʻining bugʻlanishi jarayoni koʻplab takomillashtirishni talab qilgan. Shu sababli karbyurator ixtirosi dvigatel qurilishida haqiqiy inqilobni amalga oshirdi. Uning yaratuvchisi vengriyalik muhandis Donat Banki deb hisoblanadi.

Benzinli dvigatellar va dizel dvigatellarining raqobatchilari elektr motori va uning hamkori boʻlmish vodorod dvigatellaridir. Ammo shuni ta’kidlash kerakki, insoniyat vodorod texnologiyalarini ancha yillardan beri rivojlantirishga urinadi.

Soʻnggi paytlarda yangiliklar ushbu sohadagi oʻzgarishlar haqida, hatto ma’lum bir kompaniyalarning muvaffaqiyatlari haqida tobora koʻproq xabar bermoqda va bu elektr davri bilan birga vodorod davri ham kelayotganini anglatadi. Ehtimol, neft davrining tugashi gʻayrioddiy, ammo tobora tejamkor va ekologik toza gibrid dvigatellarining (bir-biriga mos kelmaydigan tarkibiy qismlarning “diversifikatsion” kombinatsiyalari) paydo boʻlishi bilan belgilanishi mumkin.