Tabiatni saqlash uchun, plastik butilkalardan voz keching!
Har kuni ishlab chiqariladigan plastik suv idishlari atrof-muhitni ifloslantiruvchi eng katta manbalaridan biri boʻlib, ular oʻnlab yillar davomida parchalanadi, tuproq va suvga zararli boʻlgan mikro-plastmassa zarralarini chiqaradi va bu moddalar tabiatda inson oziq-ovqatining zanjiriga tushadi. Tabiatda hamma narsa muvozanatda. Sayyorani ifloslantiruvchi va yerga tashlab yuborilgan har bir narsa tuproqqa kiradi yoki bugʻlanadi. Natijada, odam chiqindilardan nafas oladi hamda oziq-ovqat bilan qoʻshib zararli moddalarni iste’mol qiladi.
Soʻnggi oʻn yil ichida plastikni qayta ishlash yanada samarali boʻldi, ammo chiqindilarning aksariyati hali ham oʻnlab yillar davomida toʻplangan axlatxonalarga tashlanmoqda. Oʻrta shaharlardagi axlat maydonlarida yiliga bir necha yuz ming tonna maishiy chiqindilar toʻplanadi. Katta shaharlar atrof-muhitni chiqindiga yana-da tez toʻldiradi. Chiqindi maydonlarining oʻlchamlari fojiali tezlik bilan ortib bormoqda. Ular unumdor yerlarni yutib yubormoqda, mahalliy flora va faunaning halokatiga sabab boʻlib, eng yaqin aholi punktlariga qadar kengayib, odamlarni zaharlamoqda.
Quruqlik va okeanni dengizlarga oqib tushadigan va turli ifloslantiruvchi moddalarni tashuvchi daryolar bogʻlaydi. Tuproq bilan aloqa qilishda parchalanmagan kimyoviy moddalar, oʻgʻitlar (ayniqsa nitratlar va fosfatlar) daryolarga, keyin esa okeanga tushadi. Natijada, okean ozuqa moddalari va zaharlardan tashkil topgan “kokteyl” makoniga aylanib bormoqda. Buning barchasi odamlar atrof-muhitga gʻamxoʻrlik qilishlari va u haqda oʻylashlari kerak ekanini anglatadi.
Mavjud texnologiyalar tufayli har bir kishi plastik chiqindilarni kamaytirishga qodir. Bu turli xil plastmassa, shisha yoki metalldan tayyorlangan qayta ishlatiladigan idishlarni ishlatish orqali sodir boʻladi.
Qayta ishlatiladigan butilkalarni ishlatish xavfsiz va juda qulay. Ular suyuqlikning haroratini yaxshiroq ushlab turadi va siz doʻkonda bir marta ishlatiladigan butilkalar uchun har safar ortiqcha pul toʻlashingiz shart emas. Maktabga yoki mashgʻulotlarga doim shunday butilkalarni olib boring. Keling hammamiz birgalikda tabiatni asrashga harakat qilamiz!
