Loyihani boshqarish usillari

Ushbu tavsiyalar yangi liderlarga volontyorlik loyihalarni muvaffaqiyatli boshqarishga va jamiyatda ijobiy o‘zgarishlar yaratishga yordam beradi.

1. Loyihaning maqsadini aniq belgilang. Nima uchun loyiha yaratilayotganini va qaysi muammoni hal qilayotganini tushuning. Maqsad har bir ishtirokchi uchun tushunarli bo‘lishi va ularni harakatga undashi kerak.
2. Jamoani shakllantiring. Maqsadingizni bo‘lishadigan hamfikrlarni toping. Loyiha bilan qiziqadigan va foydali ko‘nikmalarga ega bo‘lganlarni tanlang. Turli odamlar — bu turli g‘oyalar va qarashlardir.
3. Vazifalarni va mas’uliyatni taqsimlang. Lider sifatida hamma narsani o‘zingiz qilishga harakat qilmang. Asosiy vazifalarni aniqlang va ularni ishtirokchilar o‘rtasida taqsimlang, shunda har kim o‘z rolini biladi.
4. Jamoangizni rag‘batlantiring. Ularning hissasi ahamiyatini doim eslatib turing va muvaffaqiyatga ilhomlantiring. Hatto kichik yutuqlarni ham e’tirof eting.
5. Vaqt va resurslarga e’tibor bering. Aniq harakatlar rejasini tuzing va unga rioya qiling. Har kimning muddatlar va vazifalarni tushunishini ta’minlang.
6. Kutilmagan holatlarga tayyor bo‘ling. Loyihalar muammolarga duch kelishi mumkin, shuning uchun moslashuvchan bo‘lish va yechimlarni topish muhimdir.
7. Natijalarni taqdirlang. Loyiha muhim bosqichga yetganda, buni jamoa bilan nishonlang. Ish faoliyati e’tirofi kelajakda ko‘ngilli ishtirokchilarni ilhomlantiradi.

Yodda tuting, muvaffaqiyatli loyiha boshqarish — bu har bir ishtirokchi o‘zini muhim va qadrli his qiladigan jamoa ishidir.