Gormonal davolanish tufayli semirib ketishdan qo‘rqayapsizmi? Aniqlik kiritamiz!

Ko‘p qizlar shifokor tomonidan buyurilgan gormonal dori vositalarini qabul qilgandan keyin ortiqcha vazn yig‘ish mumkinligidan havotirlanishadi. Ayniqsa, gap hayz sikli buzilishlarini davolash haqida ketganda. Lekin haqiqatdan ham gormonal dorilar semirishga olib keladimi? Keling, buni tushunib olaylik!

Gormonlar va vazn: afsona yoki haqiqatmi?

🔹 Gormonal dorilar o‘z-o‘zidan semirishga olib kelmaydi. Ba’zi dorilar organizmda suvni ushlab qolishi mumkin, lekin bu yog‘ emas, vaqtinchalik holat bo‘lib, o‘z-o‘zidan yo‘qoladi.
🔹 Sizga qanday gormonlar tavsiya etilgani muhim. Zamonaviy dori vositalari turli tarkiblarga ega bo‘lib, ularning aksariyati vazn o‘zgarishiga sabab bo‘lmaydi.
🔹 Ba’zi gormonlar ishtahani oshirishi mumkin. Shu sababli, semirish dorilarning ta’siri kabi tuyuladi, aslida esa bu ovqat iste’moli ortishi natijasida sodir bo‘ladi.
🔹 Moddalar almashinuvi ham katta ahamiyatga ega. Agar sizda gormonal buzilish bo‘lsa, to‘g‘ri davolash aksincha, tanangizning ishlashini yaxshilab, vaznni me’yorga keltirishga yordam beradi.

Gormonal dorilarni qabul qilishda qanday qilib vazn ortishining oldini olish mumkin?

💡 Ovqatlanishga e’tibor bering. Kundalik iste’molingizda oqsil, sabzavot va foydali yog‘lar ko‘proq bo‘lishi, fastfud va shirinliklar esa kamroq bo‘lishi kerak.
💡 Yetarlicha suv iching. Bu organizmda suyuqlik yig‘ilib qolishining oldini oladi.
💡 Faol bo‘ling. Hatto har kuni qisqa sayr ham tanadagi balansni saqlashga yordam beradi.
💡 Sarosimaga tushmang. Agar sizni biror narsa tashvishga solayotgan bo‘lsa, shifokoringiz bilan maslahatlashing – u sizga eng mos preparatni tanlab beradi.

📌 Xulosa: Gormonal dorilar organizm muvozanatini tiklashga yordam beradi va vaznning keskin ortishi ko‘pincha tabletkalar bilan emas, balki turmush tarzi bilan bog‘liq bo‘ladi. Mutaxassisga ishoning, hammasi yaxshi bo‘ladi! 💙