Sovuqdan jinsiy salomatlik zarar ko‘rishi mumkinmi?

Ko‘pchilik "sovuq joyga o‘tirma – tuxumdonlaringni shamollatib olasan!" degan gapni eshitgan. Lekin haqiqatan ham tanadan sovuq o‘tishi bepushtlik yoki boshqa kasalliklarga olib kelishi mumkinmi? Keling, tushunib olaylik.

❄️ Sovuq o‘tishi jinsiy tizimga qanday ta’sir ko‘rsatadi?

Aslida, sovuqning o‘zi tuxumdonlar yoki bachadon kasalliklarini keltirib chiqarmaydi. Biroq u quyidagilarga sabab bo‘lishi mumkin:
🔹 Immunitetni pasaytiradi, natijada sistit va adneksit kabi infeksiyalar rivojlanish ehtimoli oshadi.
🔹 Qon tomirlarini toraytirib, kichik chanoq a’zolaridagi qon aylanishining buzilishiga olib kelishi mumkin.
🔹 Agar avvaldan yallig‘lanish bo‘lsa, sovuq uni yanada kuchaytirish ehtimoli mavjud.

⚠️ Sovuq o‘tishi bilan bog‘liq qanday kasalliklar mavjud?

Sovuq bevosita ginekologik kasalliklarni keltirib chiqarmasa ham, ular rivojlanishiga sharoit yaratishi mumkin:
🔺 Sistit – siydik pufagi yallig‘lanishi. Sovuq qotgandan keyin ko‘proq paydo bo‘ladi.

🔺 Adneksit – tuxumdon va tuxum yo‘llarining yallig‘lanishi. Immunitet pasaysa, infeksiya tezda rivojlanishi mumkin.
🔺 Dismenoreya – og‘riqli hayz ko‘rish. Sovuq spazmlarni kuchaytirib, og‘riqni kuchaytirishi mumkin.

🔥 O‘z sog‘lig‘ingizni qanday himoya qilish mumkin?

✅ Sovuq joylarga o‘tirmang (beton, tosh, nam yer)
✅ Belingizni yopib yuring, ayniqsa, sovuq kunlarda
✅ Immunitetni mustahkamlang: to‘g‘ri ovqatlaning, yetarlicha uhlashga harakat qiling
✅ Qorinning pastki qismida og‘riq yoki siydik chiqarishda muammo bo‘lsa, darhol shifokorga murojaat qiling (onangiz yoki yaqin insoningiz bilan)!

💡 Xulosa: Sovuq o‘tishi bepushtlikka olib kelmaydi, lekin kasalliklarning rivojlanishi uchun qulay sharoit yaratishi mumkin. Sog‘lig‘ingizni ehtiyot qiling! ❤️