Kimlarga OPVga qarshi emlanish mumkin emas?

Odam papillomavirusi (OPV)ga qarshi emlanish jinsiy salomatlik va hayotni himoya qilishning muhim bosqichi hisoblanadi. Biroq, har qanday dori yoki vaksina kabi, OPVga ham qarshi ko‘rsatmalar mavjud. Nojo‘ya ta’sirlarning oldini olish uchun kimlarga emlash tavsiya etilmasligini bilish muhimdir.

❌ Qachon emlash taqiqlanadi?

✅ Vaksina komponentlariga allergiya – agar oldin OPV vaksinasining birinchi dozasi yoki uning tarkibiy qismlariga kuchli allergik reaksiya (masalan, anafilaktik shok) bo‘lgan bo‘lsa, keyingi dozalarni olish mumkin emas.
✅ Homiladorlik – homiladorlik davrida OPVga qarshi emlash tavsiya etilmaydi. Vaksina homilaga zarar yetkazishi haqida hech qanday dalillar yo‘q, lekin homilador ayollar bo‘yicha tadqiqotlar o‘tkazilmagan.

⚠️ Qachon emlashni vaqtincha kechiktirish kerak?

🔹 Yuqori harorat bilan kechuvchi kasalliklar – gripp, angina yoki boshqa o‘rta va og‘ir darajadagi infeksiyalar bo‘lsa, avval to‘liq sog‘ayib olish kerak. Bu kasallik alomatlari va vaksina nojo‘ya ta’sirlarini chalkashtirib yubormaslik uchun muhimdir.
🔹 Surunkali kasalliklar zo‘raygan davrda – agar avtoimmun kasalliklar (masalan revmatoid atrtit, sistemali qizil bo‘richa) yoki boshqa jiddiy sog‘liq muammolari bo‘lsa, emlashdan oldin shifokor bilan maslahatlashish kerak.

✅ Qachon emlanish mumkin?

💉 Agar yengil shamollash, burun bitishi, ozgina harorat ko‘tarilishi yoki yengil yo‘tal bo‘lsa, emlash mumkin. Bu belgilarning vaksina samaradorligiga yoki nojo‘ya ta’sirlar xavfiga ta’siri yo‘q.

📌 Xulosa: OPVga qarshi vaksina xavfsiz, lekin sog‘lig‘ingiz bo‘yicha shubhalaringiz bo‘lsa, emlanishdan oldin shifokor bilan maslahatlashish yaxshiroq. O‘zingizni asrang! ❤️