PMS: bu nima va uning alomatlari qanday bo‘ladi?

Hayz ko‘rishdan bir necha kun oldin his-tuyg‘ularingizni nazorat qilish qiyinlashib, g‘ayrioddiy narsa yegingiz kelib, qorningiz shishib ketganini hech payqaganmisiz? 🤯 Ehtimol, bu PMS – ya’ni predmenstrual (hayz oldi) sindrom alomatlari bo‘lishi mumkin.

PMS nima?

PMS – bu afsona yoki uydirma emas, balki hayzdan oldin organizmda sodir bo‘ladigan gormonal o‘zgarishlarga tabiiy javobdir. Ushbu davrda gormonlar (ayniqsa, estrogen va progesteron) o‘zgarib, kayfiyat, umumiy holat va energiya darajasiga ta’sir qilishi mumkin. PMS odatda hayz boshlanishidan 7–10 kun oldin paydo bo‘lib, hayz bilan birga yo‘qoladi.

⚡ PMS kuzatilayotganligini qanday bilish mumkin?

Har bir qizda PMS belgilarining ko‘rinishi turlicha bo‘lishi mumkin, ammo eng keng tarqalgan alomatlar quyidagilar:

🔄 Kayfiyatning o‘zgarishi – bir necha daqiqa ichida baxtni his qilishdan g‘azablanishgacha
😖 Qorinning pastki qismida og‘riq va spazmlar
🎈 Qorinning shishishi – go‘yo u birdan kattalashib ketgandek tuyuladi
😴 Qattiq charchoq – odatdagidan ko‘ra ko‘proq uxlash istagi
🤕 Bosh og‘rig‘i – yengil yoki o‘rtacha darajada
🍫 Ovqatga bo‘lgan ishtiyoq – ba’zan o‘zingizni to‘xtatish qiyin!
👙 Ko‘krak sezgirligi – shishish va og‘riq paydo bo‘lishi
😬 Akne – yuzda mayda husnbuzarlar chiqishi.

Bu o‘zgarishlarning barchasi organizmdagi gormonlar o’zgarishi bilan bog‘liq. PMSning aniq sabablari hali to‘liq o‘rganilmagan, lekin stress, ovqatlanish tartibi va hayot tarzi uning kuchayishiga ta’sir qilishi mumkin.

✨ Tashvishlanmang, PMS – bu tabiiy holat, va siz yolg‘iz emassiz! Eng muhimi – tanangizda nimalar sodir bo‘layotganini tushunish va o‘zingizni yaxshiroq his qilishingizga yordam beradigan usullarni topish.

💡 Keyingi maqolamiz PMS alomatlarini qanday yengillashtirish mumkinligi haqida. Uni o‘tkazib yubormang! 😉