PMS alomatlarini qanday yengillashtirish mumkin?

PMS – bu shunchaki “injiqlik” yoki “yomon kayfiyat” emas. Bu organizmda sodir bo‘ladigan real o‘zgarishlar bo‘lib, ular hissiyotlar, tana va hatto samaradorlikka ham ta’sir qilishi mumkin. Ammo yaxshi yangilik bor: siz vaziyatni nazorat ostiga olishingiz mumkin! 💪

🔥 O‘zingizni yaxshi his qilish uchun nima qilish kerak?

✅ Ko‘proq harakatlaning – hatto harakat qilish xohishi yo‘q bo‘lsa ham, hech bo‘lmasa biroz gavdani yozishga harakat qiling. Yengil mashqlar, piyoda yurish yoki yoga qorin og‘riqlarini kamaytirishga va kayfiyatni yaxshilashga yordam beradi.

🥗 To‘g‘ri ovqatlaning – ko‘proq sabzavotlar, mevalar va to‘liq donli mahsulotlarni iste’mol qiling. Ortiqcha shakar, tuz va kofeindan saqlaning - ular qorin dam bo‘lishi va kayfiyat o‘zgarishini kuchaytirishi mumkin.

💤 To‘yib uxlang – tanangiz katta yuklama bilan ishlayotganini unutmang. Kuniga 8–9 soatlik uyqu charchoq va asabiylikni kamaytirishga yordam beradi.

💧 Ko‘p suv iching – bu shishishni kamaytirishga va tanadagi suv muvozanatini saqlashga yordam beradi.

🛀 Issiqlikdan foydalaning – issiq suv bilan dush qabul qilish yoki qoringa issiq grelka qo‘yish mushaklarni bo‘shashtirib, spazmlarni kamaytiradi. Lekin suv juda issiq bo‘lmasligi va uzoq vaqt cho‘milmaslik muhim.

🗣 His-tuyg‘ularingiz haqida gapiring - agar kayfiyatingiz tushib ketsa yoki xavotir paydo bo‘lsa, yaqinlaringiz bilan suhbatlashing. Bu normal holat va siz buni yolg‘iz uddalashingiz shart emas.

💊 Og‘riq qoldiruvchi dorilar – agar qorin yoki bosh og‘rig‘i juda bezovta qilsa, ibuprofen qabul qilish mumkin. Lekin avval shifokor bilan maslahatlashing.

🚨 Shifokorga qachon murojaat qilish kerak?

Agar PMS maktabga borishingizga, do‘stlaringiz bilan uchrashishga yoki odatiy hayotingizga halaqit bersa, albatta shifokorga murojaat qiling. Balki, holatingizni yengillashtirishning qo‘shimcha yo‘llari mavjuddir.

Eng muhimi – PMS sizni “injiq” yoki “nozik” qilib qo‘ymaydi. Bu hayotning tabiiy qismi va agar to‘g‘ri yo‘l tutilsa, u bilan oson kurashish mumkin! 💜