Siydik yo‘llari infeksiyalari: qaysi belgilarni e’tiborsiz qoldirib bo‘lmaydi?

Sizda ko‘p hojatga borish, achishish va noqulaylik bormi? Shunchaki qorningizni shamollatib oldim deb o‘ylayapsizmi? Aslida, bu siydik yo‘llari infeksiyasi (SYI) belgilari bo‘lishi mumkin! Agar uni o‘z vaqtida davolamasangiz, jiddiyroq muammolar paydo bo‘lishi mumkin!

❗ Darhol e’tibor berish kerak bo‘lgan belgilar

🔴 Hojatxonaga tez-tez borish - agar har 10 daqiqada hojatxonaga yugurib borsangiz-u, undan atigi bir necha tomchi chiqsa, bu tashvishli signal.

🔴 Siyish paytida og‘riq va achishish - yoqimsiz sezgilar siydik pufagi yoki uretra yallig‘lanishidan darak berishi mumkin.

🔴 Loyqa yoki yoqimsiz hidli siydik - rangi to‘qroq bo‘lsa yoki o‘tkir hid paydo bo‘lsa, bu infeksiyadan darak berishi mumkin.

🔴 Qorin pastida yoki belda og‘riq - agar qorin pasti tortib og‘risa yoki buyrak sohasida bel og‘risa, infeksiya yuqoriroqqa tarqalgan bo‘lishi mumkin.

🔴 Siydikdagi qon - xavotirli signal! Hatto ozgina qon ko‘rinsa ham, darhol shifokorga murojaat qilish lozim!

🔴 Isitma va titroq - agar isitma ko‘tarilsa, ayniqsa belda og‘riq bo‘lsa, infeksiya buyraklarga ta’sir qilishi mumkin.

❓ Nega SYIni o‘z vaqtida davolash muhim?

Agar belgilarni e’tiborsiz qoldirsangiz, jiddiy oqibatlarga olib kelishi mumkin:

⚠️ Piyelonefrit – infeksiya buyraklarga yetib borib, ularning yallig‘lanishiga olib kelishi mumkin.
⚠️ Chanoq a’zolarining yallig‘lanish kasalliklari (ChAYK) – agar bakteriyalar yuqoriga ko‘tarilsa, bachadon, tuxumdonlar va naychalarning yallig‘lanishiga sabab bo‘lishi mumkin. Davolanmagan ChAYK esa bepushtlikning asosiy sabablaridan biridir!
⚠️ Homiladorlikdagi asoratlar – SYI keyinchalik homiladorlik davrida og‘ir yallig‘lanish keltirib chiqarishi, tushish yoki muddatidan oldin tug‘ruq xavfini oshirishi mumkin.

✅ Nima qilish kerak?

⚡ Shifokorga borishni kechiktirmang – qancha tezroq davolanishni boshlasangiz, asoratlar shunchalik kam bo‘ladi.

⚡ Ko‘p suv iching – bu bakteriyalarni tezroq chiqarib yuborishga yordam beradi.
⚡ Antibiotiklarni shifokor tayinlamasdan ichmang! Aks holda, bakteriyalar ularga chidamli bo‘lib qolishi mumkin.
⚡ Gigienaga rioya qiling va ortiqcha sovuq qotishdan saqlaning.

Salomatligingizni asrang! 💙 Agar yuqorida keltirilgan belgilarni sezsangiz – shifokorga murojaat qilishni kechiktirmang va undan yordam so‘rang!