Anesteziya qachon qoʻllaniladi?

Mahalliy anesteziya quyidagi holatlarda qoʻllaniladi:

• stomatologiyada — tish va tish kanallarini davolashda, tish pulpasi(tishning yumshoq ichki toʻqimasi) va milklari operatsiyalarida, tish olib tashlashda;
• oftalmologiyada — kataraktani jarrohlik yoʻli bilan davolashda (katarakta — koʻz linzalarining xiralashishi), koʻz yosh kanali yoʻllarini tiklashda, yengil koʻz jarohatlarida;
• otorinolaringologiyada(LOR) — bodomsimon bezlarni olib tashlashda;
• kosmetologiyada — inyeksiya, iplarni oʻrnatishda, lazer yordamidagi davoda;
• umumiy anesteziyaga qarshi koʻrsatmasi bor shaxslarda;
• poliklinika sharoitida kichik jarrohlik aralashuvlarida.

Regionar anesteziya quyidagi holatlarda qoʻllaniladi:

• akusherlik va ginekologiyada — tugʻruq paytida, kesarcha kesishda;
• travmatologiyada — shikastlangan a’zodagi ogʻriqni bartaraf etishda;
• operatsiyadan keyingi ogʻriqni kamaytirish uchun;
• surunkali bel ogʻrigʻini davolashda.

Umumiy anesteziya esa quyidagilarda qoʻllaniladi:

• jarrohlikda;
• barcha travmatik, murakkab va uzoq davom etadigan operatsiyalarda;
• qorin va koʻkrak boʻshligʻi a’zolari, tos a’zolari va qorin orti boʻshligʻida oʻtqaziladigan keng koʻlamli jarrohliklarda (boʻshliq operatsiyalari).

Anesteziya haqida koʻproq ma’lumot olish uchun "Anesteziya nima" maqolasini oʻqing.