Vaksinalar xavfsizligi qanday tekshiriladi

Klinik tadqiqotlar turli xil testlarga ega boʻlgan uch bosqichni oʻz ichiga oladi. Birinchi bosqich sinovlari immunitet reaksiyasining intensivligini tekshirish uchun zarur va vaksinaning xavfsizligi va samaradorligini tasdiqlashga qaratilgan. Ikkinchi bosqich sinovlari paytida vaksinani aholiga qaysi dozada va qanday oraliqda yuborish kerakligi aniqlanadi. Uchinchi bosqich sinovlari vaksinaning xavfsizligini aniqlaydi, shuningdek, kamdan-kam uchraydigan nojoʻya ta’sirlarni va organizm vaksinani qabul qila olmasligni (intolerans) topadi.

Favqulodda vaziyatlarda tadqiqotchilar bir vaqtning oʻzida va bir bosqichda birdaniga bir nechta sinovlarni oʻtkazadilar. Ammo keyingi bosqichga oʻtish uchun baribir xavfsizlik standartlariga rioya qilish kerak. Ba’zida laboratoriyalar ilgari tasdiqlangan dorilarni qoʻllash orqali ushbu jarayonni tezlashtirishga muvaffaq boʻlishadi.

Agar uchinchi bosqich sinovlari muvaffaqiyatli boʻlsa, milliy tartibga soluvchi organ xavfsiz vaksinalar ishlab chiqarishni ma’qullaydi. Har bir vaksinaning asosi biologik va kimyoviy tarkibiy qismlarning noyob aralashmasi boʻlib, ularning har biri ma’lum bir ishlab chiqarish jarayonini talab qiladi.

Dastlabki tadqiqotlarga koʻra, olimlar turli xil viruslarning genetik materialini bitta emlash formulasiga kiritishlari mumkin boʻlgan. Ammo yangi texnologiyalarni ishlab chiqishdan oldin eng yaxshi strategiya bu dunyodagi laboratoriyalar bilan hamkorlik qilish va turli xil yondashuvlar bilan birgalikda ishlashdir. Bilim va resurslarni baham koʻrish orqali olimlar sayyoramizning har qanday infeksiyalarini yengib oʻtishlari mumkin.