Ingliz tilini bilish salohiyatini tekshirivchi mashhur testlar: CAE, CPE
Barcha ingliz tili imtixonlari bu tilda ona tili sifatida soʻzlashmaydigan va uni chet tili sifatida oʻrganganlar uchun ixtisoslashtirilgan. Keyingi imtihonlar tilni oʻrganishda “oldinlab ketgan” kishilar uchun moʻljallangan.
CAE — Certificate in Advanced English
Buyuk Britaniya universitetlariga kirish uchun Kembrij imtihonlari talab qilinadi. Kembrij ilgʻor ingliz tili sertifikati (CAE) ingliz tilini bilish qobiliyatlariga ishonganlar uchun moʻljanlangan. Nomidan koʻrinib turibdiki, bu C1 darajasida ingliz tilini bilish darajasini tasdiqlovchi test hisoblanadi (IELTSda 7-8 ball yoki TOEFLda 110-120 ballga teng).
Davomiyligi
Toʻrt soat
Shakli
Sinov qogʻozda yoki kompyuterda topshirilishi mumkin, ammo hamma test markazlari ham birday ikkala versiyani taklif etavermaydi. Savollar — test topshiriqlari, boʻshliqlarni toʻldirish va taqqoslash shaklida tuzilgan. Ogʻzaki test boshqa test topshiruvchi (ikkita nomzod) va ikkita imtihonchi bilan oflayn rejimda oʻtkaziladi. Bir imtihonchi testni boshqaradi, ikkinchisi sizni va boshqa imtihon topshiruvchini baholaydi.
Boʻlimlar
Ingliz tilini oʻqish va qoʻllash (90 daqiqa), yozish (90 daqiqa), tinglash (40 daqiqa), gapirish (15 daqiqa).
Ballarni hisoblash
Test topshiruvchilar C, B yoki A bahosini (eng pastdan yuqoriga) olishlari mumkin. C (eng past oʻtish bali), B yoki A ball olganlar C1 Advanced sertifikatiga ega boʻladilar. Ushbu sertifikat va uning bahosining muddati tugamaydi.
Kerak boʻlgan ball
Aksariyat universitetlarga kirish uchun B yoki A ball talab qilinadi.
Narxi
CAE taxminan 150 yevro.
Qayerda
Hozirda Oʻzbekistonda ushbu testni topshirishning ilojisi yoʻq.
Topshirish oraligʻi?
Ushbu testni har oyda topshirish mumkin.
CPE — Certificate of proficiency in English
Kembrijning ingliz tilini bilish darajasi sertifikati ushbu toʻrtta imtihonning eng ilgʻori va murakkabidir. CAE singari, bu imtihon koʻpincha Buyuk Britaniyadagi universitetlarga kirish uchun talab qilinadi. U ingliz tilini bilish C2 darajasida (IELTS 8,5-9 ball va maksimal TOEFL balidan yuqoriroq ballga toʻgʻri keladi) ekanligini tekshirish uchun oʻtkaziladi.
Davomiyligi
Toʻrt soat
Shakli
Sinovni shaxsan oʻzingiz yoki kompyuterda topshirish mumkin, ammo barcha test markazlari ikkala versiyani ham tashkil qilavermaydi. Savollar test, boʻshliqlarni toʻldirish va matn bilan savolni moslashtirishdan iborat. Ogʻzaki test yana bir test topshiruvchi nomzod va ikkita imtihonchi bilan oflayn rejimda oʻtkaziladi. Bir imtihonchi testni boshqaradi, ikkinchisi sizni va boshqa nomzodni baholaydi.
Boʻlimlar
Ingliz tilini oʻqish va ishlatish (90 daqiqa), yozish (90 daqiqa), tinglash (40 daqiqa) va gapirish (16 daqiqa).
Ballarni hisoblash
Test topshiruvchilar C1, C, B yoki A bahoga (berilgan ballar pastdan yuqoriga qarab berildi) erishishlari mumkin. C (eng past oʻtish balli) va B yoki A ball toʻplaganlar C2 tilni bilish sertifikatiga ega boʻladilar. Ushbu sertifikat va olingan baho muddati tugamaydi.
Talab qilinadigan ball
Aksariyat universitetlar kirish uchun C yoki undan yuqori ball talab qiladi.
Narxi
CPE taxminan 150 yevro turadi.
Qayerda
Hozirda Oʻzbekistonda test topshirishning ilojisi yoʻq.
Topshirish oraligʻi?
2022-yilda 7 ta belgilangan sinov sanalari mavjud.
Berib oʻtgan ma’lumotlarimiz sizga qiziq boʻldi degan umiddamiz. Bizga yana qanday testlar haqida bilmoqchiligingiz haqida izoh qoldiring.