San’at nima?

Insoniyat tomonidan yaratilgan barcha goʻzal va betakror narsalar san’at deb ataladi. U koʻplab yoʻnalishlarga ega boʻlgan insoniyat madaniyatining bir qismidir.

San’at musiqa, teatr, adabiyot, kino, raqs va xoreografiya, arxitektura, tasviriy san’at kabilarni oʻz ichiga oladi.

Qadimdan odamlar oʻzlarining avlodlariga ulugʻlangan hissiyotlarini tasviriy san’at, musiqa, raqs, arxitektura koʻrinishida tasvirlashga va yetkazishga harakat qilib kelishgan.

Qadim zamonlardan rassomlar hayotning eng yaxshi lavhalarini, chiroyli odamlarni, chiroyli landshaftlar va tarixiy voqealarni aks ettirishga harakat qilishgan.

Bastakorlar goʻzal musiqa tovushlari yordamida muallifning kayfiyatini yetkazib beradilar.

Raqsda san’atkorlar oʻzining nafislik va uygʻunlik mahoratlarini namoyish qiladilar.

Teatr va kino insoniy his-tuygʻular va kechinmalarni, odamlarning hayotidagi mazmunli, kulgili va fojiali hodisalarni tasvirlash san’atidir.

Arxitektura esa xomashyo va nisbatlarning aralashmasi san’atidir.

Adabiyot asarlari — hayotiy vaziyatlar yoki fantastik voqeliklarni aks ettiruvchi san’at.

She’riyat — his-tuygʻularni misralarda ifodalash.

Iste’dodli insonning har qanday asarini san’at deb atash mumkin: bu mazali va chiroyli tort boʻlishi mumkin, dizaynerlik libosi, nafis naqshlar, yogʻoch sandiqcha, qoʻlda ishlangan bejirim poyabzal, nafis kashta va hatto chiroyli kesilgan maysazor yoki buta boʻlishi mumkin. San’at inson qoʻli bilan yaratilgan barcha narsadir.

Koʻpincha odamlar san’at asarining haqiqiy qiymatini hamma vaqt ham oʻz vaqtida tushunavermaydi. Muallif fikrining parvozi odamlar uchun har doim ham tushunarli boʻlavermaydi. Har birimiz narsa va hodisalarni oʻzimizcha koʻramiz va talqin qilamiz. Koʻpincha vaqt oʻtishi bilangina haqiqiy asarlar qadrlana boshlaydi va ularning qiymati orta boradi. Lekin har qanday asar ham bebaho. Har bir san’at asari ijodkor yashayotgan yoki yashagan xalq va mamlakatning faxridir.

Atrofimizda koʻplab ajoyibotlar bor. Iste’dodli odamlar tomonidan yaratilgan bu goʻzalliklarni koʻra bilish va qadrlash kerak.