Ish toʻgʻrisidagi ushbu taklif haqiqiymi?

Kimdir menga ish taklifi borligi haqida xabar yubordi va menga aytilgan joyga shaxsan kelib tanishishni taklif qildi. Men nima qilishim kerak?

● Siz ish qidirib biron-bir joyga murojaat qilganmisiz yoki ish qidirishingiz boʻyicha biron bir odam bilan bogʻlanganmisiz? Agar bunday qilmagan boʻlsangiz, unda bu xabar tuzoq boʻlishi mumkin, shuning uchun ehtiyot boʻling!

● Sizga taklif qilingan ish beruvchi kompaniya yoki ishxona va taklif qilinayotgan ish sohasi haqida oʻzingiz izlanishlar olib boring. Buning uchun internetdan foydalaning yoki doʻstlaringizdan soʻrang.

● Internetda tanishgan odamingiz bilan birinchi marta uchrashishni rejalashtirayotgan boʻlsangiz, oʻta ehtiyot boʻlishingiz kerak!

● Uchrashish uchun har doim gavjum joyni tanlang (masalan, savdo markazini).

● Doʻstingizga yoki oila a’zolaringizga ALBATTA qayerga ketayotganingizni va kim bilan uchrashayotganingizni aniq aytib bering!

● Doʻstingiz yoki oila a’zolaringizdan siz bilan birga shu uchrashuvga borishini iltimos qilsangiz, eng yaxshi yoʻl tutgan boʻlasiz.