Yoʻl “tuzoqlari” 1-qism

Koʻpchilik yoʻl-transport hodisalarini tasodifiy baxtsiz hodisalar va ulardan oʻzini himoya qilishining ilojisi yoʻq deb hisoblaydilar. Aslida, unday emas: piyoda bolalar bilan sodir boʻladigan baxtsiz hodisalarning taxminan 95 %i bir xil, takrorlanadigan holatlarda - “yoʻl tuzoqlari”deb ataladigan holatlarda sodir boʻladi.

Bir nechta asosiy “yoʻl tuzoqlari" mavjud boʻlib ularga qanday qilib tushib qolmaslikni oʻrganish va buni bolangizga oʻrgatish juda muhimdir.

Statistik ma'lumotlarga koʻra, piyoda bolalar ishtirokidagi yoʻl-transport hodisalarining asosiy sabablaridan biri bu toʻxtab turgan mashinalar, daraxtlar va bekatlar ortidan qatnov qismiga kutilmaganda chiqib ketishdir. Afsuski, bu joylar bolalar koʻpincha tushib qoladigan odatiy “yoʻl tuzogʻi”dir. Demak, hech qanday holatda yoʻlda turgan mashinalar, daraxtlar, butalar, avtobus bekatlari, uylar, toʻsiqlar ortidan chiqmasligingiz kerak. Kesib oʻtish uchun yoʻlni har ikki yoʻnalishda ham aniq koʻrinadigan joyni tanlashingiz kerak. Oxirgi chora sifatida toʻsiq orqasidan ehtiyotkorlik bilan qarashingiz, hech qanday xavf yoʻqligiga ishonch hosil qilishingiz va shundan keyingina yoʻlni kesib oʻtishingiz mumkin.

Darhaqiqat, toʻhtab turgan mashina nimasi bilan xavfli boʻlishi mumkin? Birinchidan, u sizni xavf-xatarni oʻz vaqtida sezishingizga toʻsqinlik qilishi mumkin - masalan, yuqori tezlikda harakatlanayotgan boshqa mashinani toʻsib qoʻyishi mumkin.

Bekatlar yoʻldagi eng xavfli joylardan biridir. Bekatlar hududida bolalar chorrahalarga qaraganda koʻproq baxtsiz hodisalarga duch kelishadi va buning bir qancha sabablari bor. Avvalo, bola shoshayotganda, masalan, avtobusga qarab ketayotganda, atrofidagi hech narsani koʻrmaydi. Bundan tashqari, avtobus bekatida turgan yirik transport vositalari yoʻlning ancha qismini toʻsib qoʻyadi, bu vaqtda boshqa mashinalar harakatlanishi mumkin. Shuning bois bolani bu vaziyatda ayniqsa ehtiyotkor boʻlishga, shoshilmaslik va atrofga diqqat bilan qarashga oʻrgatish kerak.

Siz avtobusni, tramvayni, trolleybusni oldidan ham, orqasidan ham aylanib oʻtolmaysiz. Yoʻlni kesib oʻtish uchun siz eng yaqin piyodalar oʻtish joyiga borishingiz kerak. Yoki hech boʻlmaganda, transport vositasi toʻxtash joyidan ketgunga qadar kutib turing, yoʻlning xavfsizligiga ishonch hosil qiling va shundan keyingina qatnov qismini kesib oʻting.

“Yoʻl harakati tuzoqlari” haqida keyingi maqolada oʻqishingiz mumkin.