Qanday qilib sherigingizni OIV testini topshirishga koʻndirish mumkin

OIV maqomini tekshirish haqida suhbatni boshlashdan oldin, sherigingizdan bu kasallik haqida qanday fikrda ekanligini soʻrang. Agar odam ushbu virusning mavjudligiga ishonmasa va uni prinsipial ravishda inkor etsa, uni OIV testini topshirishga koʻndirish arziydimi yoki yoʻqmi, oʻylab koʻring.

Agar siz va sherigingiz yetarlicha yaqin boʻlsangiz, toʻgʻridan-toʻgʻri savol berish ancha oson boʻladi. Uni tahlillarni birgalikda topshirishga taklif qiling. “Menchi? Menga ishonmaysizmi?” kabi savollarni berish kerak emas. Bu ishonch masalasi emas va unda sizdan oldin qancha jinsiy sheriklar borligini aniqlashning bir usuli ham emas. Biz hammamiz sterillanmagan asboblar orqali infeksiyani yuqtirishimiz mumkin boʻlgan kasalxonalarga, stomatologlarga tashrif buyuramiz va manikyurlarga boramiz.

Aytgancha, donorlikka qon topshirish uchun birga borish yaxshi uchrashuvga sabab boʻlishi mumkin. Oʻzbekistonning istalgan yirik shifoxona yoki qon quyish markaziga donor boʻlib borishingiz, qon tahlilini, jumladan, OIV tahlilini mutlaqo bepul olishingiz mumkin.

Bir sherikda OIVning mavjudligi va ikkinchisida uning yoʻqligi baxtli va uzoq umr koʻrishga toʻsqinlik qilmaydi, chunki antiretrovirus terapiya va kasallikni yuqtirib olishning oldini olishning samarali sxemalari mavjud. Terapiya hayotni uzaytirish, uning sifatini yaxshilash va sogʻlom bolalarni tugʻish imkonini beradi.