Qizamiq diagnostikasida jismoniy tekshiruv

Kataral davrda (davrning davomiyligi 3-4 kun):

• o’sib borayotgan kataral sindrom (yo’tal, rinit, traxeit, laringit, bronxit, kon’yunktivit, sklerit, ko’z yoshini oqishi, yorug’likdan qo’rqishi, blefarospazm, ko’zning qizarishi);
• bemorning yuzi shishgan, qovoqlari pastadir;
• qizamiq enantemasi: yumshoq, qisman qattiq tanglayning shilliq qavatidagi qizil tartibsiz shakldagi dog’lar;
• Filatov-Koplik-Belskiy dog’lari (davr oxirida) yonoqlarning shilliq qavatida kichik sut tishlari qarshisida, kamroq lablar, milklar va ko’z kon’yunktivasining shilliq qavatida; Belskiy-Filatov-Koplik simptomi aniqlanganda, qizamiq tashxisi shubhasizdir (klinik).

Toshma davrida:

• birinchi kunida Belskiy-Filatov-Koplik dog’larini paydo bo’lishi ;
• kasallikning boshlanishidan 4-5-kunida toshma paydo bo’lishi;
• birlashishga moyil bo’lgan makulo-papulyar toshma;
• 3 kun ichida toshmalarning bosqichma-bosqich tarqalishi: birinchi kuni quloq orqasida, yuz, bo’yin, ko’krakning yuqori qismida, 2-kuni – tanada, 3-kun – oyoq-qo’llarda;
• intoksikasiyaning kuchayishi, nafas yo’llarining shilliq pardalari va ko’z kon’yunktivasidan kataral hodisalar (burun oqishi, yo’tal, ko’z yoshini oqishi, yorug’likdan qo’rqishi);
• traxeobronxit, laringit, krup belgilari;
• toshmadan keyin pigmentatsiya paydo bo’lishi.

Pigmentasiya davrida:

• toshma qanday paydo bo’lsa, xuddi shunday ketma-ketlikda yo’qoladi, pigmentasiya va qobiq paydo bo’ladi.

Qizamiqni og’ir kechishi:

Qizamiq bilan og’rigan bolada quyidagi alomatlar va belgilarning har birini borligi bolaning og’ir ahvolini ko’rsatadi:

• icha olmaydi yoki emolmaydi;
• har qanday ovqat yoki ichimlikdan keyin qusish;
• tutqanoqlar.

Qizamiqning og’ir murakkab kechishining belgilariga e’tibor berish kerak:

• ongning susayishi yoki yetishmasligi;
• shox itaminl xiralashishi;
• og’iz bo’shlig’ida chuqur yoki keng yaralar;
• pnevmoniya (yo’tal yoki og’ir va tez nafas olish, mos keladigan ko’krak qafasi joylarini tortib olish);
• diareya tufayli suvsizlanish
• qizamiq krupi tufayli stridor (shovqinli nafas olish);
• jiddiy to’yib ovqatlanmaslik.