Qanday holatlarda shifokorga murojaat etish kerak?

Oʻsmir qizlarda hayz koʻrish avvaliga toʻliq rivojlanmasligi va bu individual holat boʻlishini hisobga olgan holda, quyidagi holatlarda oʻsmirlar ginekologiga murojaat qilish kerak:

• Agar birinchi hayz 9 yoshdan oldin yoki 15 yoshdan keyin kelgan boʻlsa;
• Agar birinchi hayz koʻrgan boʻlsa-yu, keyingi hayz undan 5-6 oy oʻtgachgina takrorlansa;
• Agar hayz paytida qiz bola chidab boʻlmas darajada kuchli ogʻriqni his qilsa;
• Agar qon ajralishlar juda koʻp boʻlsa;
• agar hayz koʻrish 7 kundan ortiq davom etsa;
• Agar hayz paytida nafaqat zaiflik, balki bosh aylanishi, koʻngil aynishi, qusish ham kuzatilsa.